الخميس، 13 مارس 2008

هدية قيمة جدا

أظن ثلاثة أيام كافية جدا واليوم إعلان النتيجة
الفائز الأول :(غير معرف) والله يسامحه أو يسامحها كان نفسى يأخذ الهدية وحيث أنها
هدية قيمة جدا
تخيلوا الحصول على رغيف خبز فى بلدى مصر التى كنا نتعلم
زمان إن مصر بلد زراعى يعنى المفروض عندنا القمح والشعير والذرة
دى الحالة اللى وصلنالها اننا نموت علشان رغيف عيش
تخيلوا المصرى يمّوت المصرى علشان رغيف عيش
كنا نتكلم مع الناس اللى أكبر مننا فى السن عن قضية فلسطين
وإننا لازم ننقذ المسجد الأقصى من قبضة الصهاينة ونسترد كل شبر
مغتصب وإن فلسطين أرض وقف لا يصح التفريط فيها
كانوا يرودوا بكل قوتهم:انتم عايزينا نموت فى الحروب
ونخسر شبابنا ويرجعولنا جرحى ومعوقين نعالج فيهم
إنتم ما تعرفوش حاجة .
نفسى أعرف لما نموت بشرف وفى عزة
ونحن ندافع عن أرضنا ومقدساتنا وكرامتنا
ولانموت فى ذل الحصول على رغيف عيش
--------------------------------

هناك 7 تعليقات:

صحوة الطلبة يقول...

كلامك صح وبعدين هو الأكل مش هيطير ورغيف العيش بسم الله ما شاء الله الواحد عايز منه حوالي 20 رغيف علشان يأكل
يا أختي غاية الغرب وحكامنا إننا ننشغل عن إي حاجة نخص عرضنا وأمتنا ونتلهي في رغيف العيش والبيت وممكن كمان ميلقيش وقت لبيته

غير معرف يقول...

شكرا لكي أختي الكريمة
واعتبري الجائزة وصلت
المهم المعني التي أردت أن توصليه
وأهم من ذلك لنا جميعا العبرة
والأهم ما يبقي من الأجر (والباقيات الصالحات خير عند ربك ثواب وخير عقبا)

غير معرف يقول...

عفوا تصحيح الاية الكريمة (والباقيات الصالحات خير عند ربك ثوابا وخير أملا)
من الآية 46 سورة الكهف
وقد اشتبهت علي مع الاية الكريمة في السورة نفسها
(هُنَالِكَ الْوَلَايَةُ لِلَّهِ الْحَقِّ هُوَ خَيْرٌ ثَوَابًا وَخَيْرٌ عُقْبًا )
ووردت أيضا في سورة مريم في الآية 76
(وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ مَّرَدًّا)
وقد قيل قديما (لولا المتشابهات في القرآن لتلاعبت به الصبية في الشوارع)
وذلك لسهولة حفظه، فجعل الله به متشابهات لكيلا يستظهره الا المجتهد الحافظ المستحق لكتاب الله

جمعاوى يقول...

و لسه يا فندم

صبرك بالله لما سعر الغلة يعلى شوية

المخابز ممكن تقفل

غير معرف يقول...

الحكومة عمالة تغلى الحاجات وتعمل ده كله علشان الناس مش يفكروا غير فى أكلهم وينسوا كل اللى بيحصل حواليهم سواء(الفساد,بيع البلد,قضايا الامة.......)وفعلا الناس كده دلوقتى.عقولهم بتفكر فى معيشتهم وبس.احنا عمالين نقول الناس مش بتتحرك ليه عشان فلسطين والاقصى وغزةوالمحاكمات والتعديلات الدستورية قبل كده, لان الناس مشغولة جداااااابمعيشتها.
وفعلا حاجة صعبة جداااا ان المصريين يموتوا بسبب الزحام على افران الخبز.
الواحد يموت فى فلسطين مثلا وهو بيجاهد او يموت وهو بيصلح بلده,لكن مش يموت وهو بيجيب رغيف العيش.دا كله والناس ساكته (لدرجة اننا بيضرب بينا المثل دلوقتى فى السكوت والرضا بالذل!!!!!!!!
لاحول ولاقوة الا بالله

بنت مصر يقول...

واله يادكتورة الناس مش بقي في فدماغها غير العيش والاكل وهنصرف ازاي علي عيالنا وياتري مستقبلهم هيكون ازاي هندخلهم مدارس ولا لا هنعرب نجبلهم لبس ولا لا
الغلي اكل دما الشعب المصري كله
ويارتهم بيتحركوا لا برضه ساكتيين
شويه شويه مش هيعرفوا ياكلوا
وهيفضلوا ساكتيين برضه
ويمكن كتيير منهم مايعرفش ايه اللي بيحصل في غزة
ولا في اي بلد مسلمه
علشان في حاجات تانيه مسيطرة عليهم
وهما نجحوا في كده انهم يشغلوا الشعب عن قضيتنا الكبري غزة وفلسطين بالقضايا التافهه
يارب الناس تصحي وتفوق يقه

غير معرف يقول...

كلامك صح يا خالتو

محدش بيموت من الجوع .... و مش هيجرا لينا حاجة لو بطلنا ناكل لمدة اسبوع و نعيش سنين عمرنا بعد كده في عزة و كرامة

بس برده يا خالتو انت كنت بتقولي هرم الاحتياجات الانسانية .... القاعدة عبارة الاحتياجات الاساسية للانسان
المأكل و المشرب و الملبس و المسكن
و بعد كده الهرم بيبدأ يعلى و يطلع و يرتقي بحاجات الانسان
فازاي انت عاوزة منه حاجة يعملها و هي في قمة الهرم .... و وه أساسا قاعدة الهرم مش عنده ... مش موجودة

الناس محتاجة توعية كبيرة ....

جزاكم الله خيرا

يمنى