السبت، 30 أغسطس 2008

كل عام و أنتم بخير..التوقيت شتوى
الساعة كام؟ يرد الساعة تسعة
آه تسعة يعنى عشرة بالقديم
حد يقولى الساعة كام؟ واحدة
آه واحدة يعنى اتنين بالقديم
أنظر فى الساعة أجدها خمسة
أسرح قليلا آه يعنى ستة بالقديم يعنى باقى أد إيه على المغرب
كل سنة و أنتم طيبين و رمضان شهر الخير والجود و الغفران
نفسى أعرف توقيت شتوى فى آخر يومين من أغسطس يعنى ايه؟

هناك 30 تعليقًا:

Ahmed Al khashab يقول...

السلام عليكم
التوقيت الشتوى هو الأصل إنما التوقيت الصيفى أصبحت دولا قليلة جدا جدا جدا تستخدمه على رأسها مصر بالطبع إن لم تكن الوحيدة حاليا
أتمنى أن يتم إلغاء التوقيت الصيفى دائما
و بالتالى العودة للأصل فى أى وقت لا تشكل أى مشكلة
و جزاكى الله خيرا
و السلام عليكم و رحمة الله و بركاته

اوعى تفكر يقول...

السااااااااااعه كاااااااااام؟
هو النهارده الايه
هو انا مين .
ايه اللخبطه بتاعة كب سنه دى

غير معرف يقول...

هههههههههه
اصل يادكتور ليلهالشتا طويل
بيعنونا عل رمضان الصيفي
كل سنه وانت طيبه يادكتوره

غير معرف يقول...

انا سارة اشرف وشفت الادراج الجديد ارجو ان تزوري مدونة وتعلقي هليها لان مفيش حد بيعلق عليها

عمرو سلامة يقول...

شتوى ولا صيفى .. المهم نخلى بالنا ان وقتنا مش يضيع من فايده .. لازم نستفيد من كل دقيقه ... ربنا معانا ومعاكم يا خالتو اميمه .. ويقدرنا على رمضان وعبادة ربنا بخشوع ..
كل سنه وحضرتك وعمرو واخواته وعمو السعدنى طيبين

walaa rizk يقول...

اولا كل سنه وحضرتك الى الله أقرب ياخالتو

والتوقيت الشتوى لذيذ جدا على فكره

بس فى اخر يومين فى اغطس يبقى ايه

يبقى احنا فى ام الدنيا

يمنى يقول...

كل سنة و انت طيبة يا خالتو

أكتر حاجة في تغيير التوقيت اني لما خلاص بتعود على توقيت و أقلم نفسي عليه
ألاقيه اتغير

ربنا يهديهم ... و يثبتوا توقيت

وحشتيني و نفسي أشوفك

غير معرف يقول...

توفيت الي رحمة الله جدتي ام ماما نسالكم الدعاء اناسارة أشرف

نـارا يقول...

كل عام وأنتم إلى الله أقرب ..

محمد يقول...

كل عام وحضرتك بخير.. دكتورة أميمة
أعاد الله رمضان عليك وعلى الامة الإسلامية بكل خير

كان هذا التعليق في تمام الواحدة بعد منتصف الليل.. الثانية بالتوقيت القديم
:)

tarek alghnam يقول...

الدكتورة اميمه
كل عام وانتى بخير
كل عام وانتى الى الله اقرب
التوقيت الشتوى احسن بكتير
وعموما سواء شتوى او صيفى ربنا يجعله فى طاعته
تقبلى تحياتى
ودمتى بحفظ الله

غير معرف يقول...

السلام عليكم يا ماما اميمة
رمضان كريم وكل عام وانتم بخير
المدونة جميلة جدا
وانا عملت مدونة على بلوجر ولكن انا مش عارف انسق فيها اى حاجة
ارجو افادتى بأي حاجة وبعدين سوف اعلمكم بعنوانها ان شاء الله
والسلام عليكم وشكرا

أميمة كامل يقول...

أحمد الخشاب

وعليكم السلام و رحمة الله و بركاته

كل عام وانت بخير

اشكرك على مشاركتك ونفسى بس نستقر

على أى توقيت شتوى صيفى المهم نستقر

رغم اننا عندنا حاجات كتيرة المفروض

تتغير الا انها مستقرة من خمسة و عشرين

سنة و اكتر

أميمة كامل يقول...

أوعى تفكر

كل سنة و انت طيب

نصيحة من حد بيخاف عليك

أوعى تفكرِ

أميمة كامل يقول...

ميادة بالتاء المربوطة جدا

كل سنة و انت طيبة يا قمر

ودايما منورة المدونة و كل المدونات

وأهم حاجة خلى بالك من قوالب الطوب

و من عقارب الساعة اللى بتجرى و

النهاردة بقينا كام رمضان و باقى

منه اد ايه كل سنة و انت طيبة

أميمة كامل يقول...

سارة حبيبة قلبى

كل عام و انت بخير وكذلك اسرتك الجميلة

و انا زرت مدونتك و هى جميلة و رائعة

و مفيدة و دمت بخير

وسلامى للوالدة الكريمة و خلى بالك

منها و ربنا يحفظكم جميعا

أميمة كامل يقول...

عمرو سلامة

أهلا بالصحفى المتميز و مرحبا بك دوما

وكل عام و انت بخير

على رأيك المهم نغتنم و قتنا صح

أميمة كامل يقول...

عاشقة الأقصى

مرحبا بك حبيبتى و منورانى

وكل عام و انت بخير و كذلك اسرتك

وفعلا احنا فى أم الدنيا و أم العجايب

وأمنا كلنا و بنحبها و نموت فيها رغم

مآسيها

أميمة كامل يقول...

يمنى

يا هلا ويا هلا بك

كل سنة و انت طيب يا قمر

ويارب تكون المسألة اياها عدت بسلام

أميمة كامل يقول...

نارا

كل عام و انت بكل خير و سعادة و طاعة

و دمت بكل ود و حب

أميمة كامل يقول...

وضاح

كل عام و انت بكل خير و سعادة و هناء

وجزاك الله خيرا

وأضحك الله سنك أضحكتنى فعلا بتعليقك

اللطيف الخفيف و الذى فى الهدف

أميمة كامل يقول...

ا/ طارق الغنام

بور سعيدى

كل عام و حضرتك بكل الخير و السعادة

واللهم آميين يعينا جميعا على اغتنام

أوقاتنا فى طاعته

وعذرا على التأخير فى الرد

وبصراحة مسرحية البطة اللى عند

حضرتك هايلة

والله يكون فى عونكم الطيور عندكم

غالية كمان زيادة عن أى مكان تانى

ممكن تكون مستوردة؟!!!!!!

أميمة كامل يقول...

أحمد حبيب قلب ماما أميمة

ياريت تدخل على الشبكة اليوم بعد

التراويح وافتح الماسنجر و نحاول

نعملها أون لاين مع بعض

وكل سنة و انت طيب و بخير

سمية-بنت البنا- يقول...

السلام عليكم ورحمة الله وبركاته

أخيتي ... أميمة كـامل ..

كيف حال حضرتك :)..؟

كــل عام وأنتِ لربكِ طـائعة ..
ولـــرسولكِ تــابعة ..
ولدعـــوتكِ عـــــاملة ...
وللجنة أقرب .. وعن النار أبعد ..

**
بالنسبة للتوقيت الشتوي في الصيف ...
فهــو شئ يضاف لقائمة العجــائب في مصر ...

أســأل المولى عزوجل أن نستطيع استثمار هذه الاوقات في طاعته ..

***
تشرفني زيارتكمـ ..
وبـــوركتــمـ ..
__

أختكِ::
سمية_بنت البنا_

ضــى القمــر يقول...

أميمه ..

موضوعك روووعه بجد ..
ودى زيارتى الاولى لمدونتك .. وبجد مدونه أكثر من رائعه :)

ووالله معاكِ حق .. بعد كده هيكون التوقيت تبع رمضان .. مش هنتقيد بآخر سبتمبر ولا حاجه ..

السنه اللى جايا مثلا رمضان هيكون على 21 أغسطس مثلا .. برضه الساعه هتتقدم قبلها .

يا بنتى المهم نغير التوقيت قبل رمضان وخلاص ..ههههه

شكرا لكِ اختى
أتمنى لكِ التوفيق دائما
كل عام وانتِ بخير

أميمة كامل يقول...

سميه بنت البنا
كل عام و انت بخير
اسعدنى مرورك و دمت بخير

أميمة كامل يقول...

ضى القمر
اهلا بك دوما منورة يا ضى القمر و نوره
وكل عام وانت بكل الخير و السعادة
ودمت منورة و مشرفانى بزيارتك

Abdallah Hosni يقول...

كل عام وانتم الى الله اقرب وعلى طاعته ادوم وللجنات انعم

وللتوقيت الشتوي....؟؟ فى الصيف اقرب!!!!

عادى ده احنا فى مصر...ممكن العيد يتأجل علشان يومين ولا حاجة علشان ممكن وزير الاوقاف يسافر...:)

غير معرف يقول...

السلام عليكم ورحمة الله انا سارة انا حاولت عمل مدونة في بلوجر بس ما نجحت

أميمة كامل يقول...

3ABDALLA 7OSNI
كل عام و أنت بخير
وآميين على دعائك فيما عدا موضوع التوقيت الشتوى و الصيفى
وعلى رأيك طالما نحن فى مصر فلا تستغرب شئ