السبت، 16 فبراير 2008

نتشارك لنصل لرؤية صحيحة



وجهة نظر نقلتها لى إحدى بناتى معبرة فيها عن رأى الكثيرات مثلها عن انه لايصح عرض صور للبنات المدونات وقالت:( ازاى انا أعرض صورتى ومن قبلها كنت قد دونت الكثير من المشاعر والأحاسيس ثم تكون مشاعا للناس كلها ..زمان كانت الحاجات إلا فيها احاسيس خاصة بتنزل ونقول اصل الا بيقرأ ما يعر فش دى مين. اما الآن كله أصبح معروف طيب هو ينفع أحكى مشاعرى وأشياء تخصنى للولاد ؟؟؟) وبصراحه احترت جدا لأن وجهة النظر الأخرى تقول :(مافيهاش حاجه خالص لأن الصور بنفس الهيئة الا بأكون خارجه بيها وكل الناس ترانى ) فيرد الرأى الآخر (وانا ماشيه الناس ترى واحده ماشيه وخلاص. مش واحده كل حاجه عن مشاعرها وخصوصيتها معروضه وموثقه بالصوره ) انا بصراحه ربنا الهمنى فكره معقوله ونفكر برضه فى حلول تانيه ممكن المدونه تكون مدونتين واحدة عامة لاتحمل الصور أو المشاعر الخاصه والأخرى فيها كل الا نفسنا فيه بس دى ماأسمحش بدخول الا قائمة محددة من البنات صحابى
الا نفسى انهم يشاركونى صورى واحاسيسى ..... ايه رأيكم؟؟؟؟

هناك 4 تعليقات:

عمرو سلامة يقول...

انا راى مع راى حضرتك يا فندم ..ما ينفعش تنشر صورتها وهيا حاكيه كل حاجة عن نفسها واحاسيسها ومشاعرها ووو ... ما ينفعش ... وقدام كل البشر اولاد وبنات .. راى مع رايك ... واقتراحك الاخير ده جميل جدا ...والله المعين وشكرا جزيلا لطرحك موضوع انا نفسى اقوله من زمان على مدونتى ...
وجوزيت الجنه

omaima يقول...

أهلا وسهلا.شرفت المدونه ياافندم وأشكرك جدا لمشاركتك واسأل الله ان ينفع بك وبأمثالك من الشباب الجاد.وجوزيت الجنه كذلك

خبيب يقول...

أعتقد الأسلم ألا تعرض مشاعرها وأحاسيسها
لأن الأخيرة هي التي قد تجعل كائنا من كان يفكر ، ويتخيل ، ويتصور .. في حين أن الأولى هي الموجودة أصلا

ليقتصر الأمر على الفكر والمنطق والآراء في القضايا المختلفة ، إذ ما الهدف - على أية حال - من الأمور الشخصية ؟

ولكل مقام مقال

omaima يقول...

يا الف اهلا وسهلا
للك تدوينه رائعه تدل على قوة نفسية
وهى عن الحب واتعامل مع مشاعرنا وتوجيهها