الأحد، 17 فبراير 2008

أسماء وأسماء



فى (الفجريه) تقول (اناكده) يرد (طب ليه كدا) الأفضل (فتح عينيك) لا أنا بأقول (عيش ندل تموت محروق) يا عم انت(لسه عايش) أصلى (صريح أوى) طيب ايه رأيك (ارحم دماغك) و (انسى) بس أنا (مش عارف) خلاص ها تكون (مواطن مصرى واخد على قفاه) لا وألف لا دا أنا (العسكرى عتريس) طيب وايه يعنى دا (أنا اخوان)
وهى (اخت مسلمه) انت بتقول ايه دا (العميد ميت) وتعالى نعيش فى (ـصمتــ) لايمكن (لاللسكوت) حتى لو كنت فى (غربه) لكن فى خطوره جامده جدا لأنى (انا محظوره) ولا يهمك (أمواج التغيير ) جايه .لاانا نفسى فعلا اكون
(أمير الهدوء) امال مين يعمل (شخبطه فكريه) و(طرقعة كيبورد) ويعلى صوته (فليعد للدين مجده) وبعدها ييجى
(الشاب الحر الأبى) وشوفوا مين معاه كمان (الارهابى) ويقولوا فى صوت واحد (يا دعوتى سيرى) احنا طريقنا
(صلاح وإصلاح) ياه دا خلاص فعلا(انـــــــــــــــــــــــــــــــــــــــــا حـــــــــــــــــــــــــــر)

هناك 23 تعليقًا:

غير معرف يقول...

ههههههههه..حد بيجيب سيرتي؟

فكرة حلوة فعلا..شكرا للأخت (كدا) لأنها عرفتنا بمدونتك :)

العسكري عتريس يقول...

ههههههههههه

تدوينة رائعه ماشاء الله

Abdallah Hosni يقول...

ههههههههههههههههه

فى (الفجريه) تقول (اناكده) يرد (طب ليه كدا) الأفضل (فتح عينيك


(طب ليه كدا) لا رد ولا قال حاجة خالص......!!!!

تدوينة وتأليفة رائعة

مزيدا من التقدم

Abdullrhman Hassona يقول...

ماشاء الله دكتوره
جزاك ربي عنا خيرا

غير معرف يقول...

ايه ده
أنا اسمى مكتوب ..طيب

ايه الجمال ده كله ..روعة بجد يا خالتو
أنا سعيدة جدا لإن حضرتك انضميتى لركب التدوين وربنا يجعل تدويناتك فى ميزان حسناتك وحجة لك لا عليك

أنا بجد فرحانة قوى وأتمنى حضرتك تشرفينى فى مدونتى المتواضعة ..وعاوزة رأى حضرتك (تشجيع وممكن نقد بناء)
بحبك جدا يا خالتو وسعيدة لإن حضرتك دونتى لإننا أكيد هنستفيد وربنا يعز بيكى الإسلام والمسلمين

أعتذر عن الإطالة ..رغاية عذرا
مع أرق تحياتى ودمتى بكل خير

أميمة كامل يقول...

أهلا بكم كلكم وأشكركم على تشجيعكم


جزانا واياكم


انا زرت مدونتك كتير جدا ومن زمان ومدونتك متميزه وهادفه واشكركم على استقبالكم لى فى عالم التدوين بهذه الروح الجميله
جزاكم الله خيرا

غير معرف يقول...

هههههههه
شكرا ياطنط علي التدوينة الجميله دي
بس ايه الروشنه دي :)
لأ لأ ، ماينفعش كدا ...
أكلمك بعدين
أحبك في الله

جمعاوى يقول...

جميلة جدا

و فى الآخر بنقول

فكك منى

الـفجـريـــة يقول...
أزال المؤلف هذا التعليق.
الـفجـريـــة يقول...

اولا يا خالتو..كتبت تعليق هنا ومنزلش فانا متغاظة شوية لكن اروى قالتلى لو بتحبيها اكتبيه تانى فاقنعتنى بصراحة وقررت اكتبه تانى..

ثانيا باه..حلوة التأليفة دى وكمان اسمى موجوود :) بس اللى اسعدنى اكتر دخول احد "الخالتوهات" عالم التدوين..عشان كده ممكن ناخد المدونة مثال اشجع بيه ناس عشان يدونوا بحس انهم لو دونوا هيضيفوا كتييير..وفى انتظار الجدييد

ربنا يباركلك فى اروى وبقية بناتك
ويباركلهم فيكى

فزلوكة يقول...

السلام عليكم
إزى حضرتك ياطنط؟؟
والله أنا فرحت جدا لما عرفت مدونة حضرتك
وفرحتى على رأى أسماء "الفجرية " إن "الخالتوهات " دخلوا عالم التدوين
ده هيدينا دفعة لقدام

عموما ربنا يفك أسر عمو قريبا إن شاء الله

أنا بقى
زهراء أمير بسام

آلاء محى يقول...

nالف مليون مبرووووووووووك ياخالتو

نورتى بلوجر وكل حتة

ربنا يجعلها فعلا صلاح واصلاح

ولا بنخاف يقول...

ربنا يباركلك فكرة كتابة المدونات بالطريقة دي حسستني إن المدونين كلهم بيجمعوا كأنهم في لوحة واحدة بعنوان بنحب مصر ولا ممكن نسبها وأهم حاجة إننا كلنا ولا بنخاف

Amr Magdi يقول...

السلام عليكم
أنا وصلت للمدونة بتاعة حضرتك بالأقدار صراحة
لقيت اسم حضرتك عند أروى فقلت معقول تكون دكتورة أميمة كمال اللي بسمع عنها


وكمان لقيت حضرتك حاطة مدونتي في التدوينة الظريفة دي

عامة مرحبا بك في عالم التدوين وخطوة موفقة جدا

منتظرين إبداعاتك يا دكتورة

أميمة كامل يقول...

السلام عليكم جميعا اولا :أعتذر عن تأخيرى فى الرد عليكم.ثانيا:الله يبارك فيكم جميعا وأشكركم على الترحيب بى معكم فى عالم التدوين وكمان على تشجيعكم لى.ثالثا:حلوه حكاية الخالتوهات دخلوا التدوين ضحكتنى كلمة الخالتوهات دى جدا رابعا: اسمحوا لى أرحب ترحيب خاص جدا بالدكتور عمرو مجدى وأشكره جدا على تفضله بزيارة المدونة وتعليقه القيم.خامسا:التعليق اللى كان نفسى أسمعه هو اللى جانى من (ولا بنخاف) بأشكرهم جدا ونفسى أعرف مين اللى كتب الكلمتين الحلوين أوى أوى.المعنى اللى أردته اننا فعلا بنرسم لوحة كبيرة وجميلة جدا منا اللى بيرسم جزء فوق ومنا اللى بيرسم جزء تحت ومنا اللى بيرسم فى الجهة اليمين ومنا اللى بيرسم فى الجهة الشمال تفتكروا أهم جزء فين ؟ طبعا كل الأجزاء مهمة لو جزء ما كملش أكيد اللوحة كلها مش ها يبقى لها طعم علشان كدا نفسى نتعامل بهذه الروح إننا نكمل جهد بعض علشان يصب فى اتجاه واحد ومش معنى كلامى اننا ها نكون نمط واحد أو مكرر أبدا احنا ها نختلف وها نعبر لبعضنا عن اختلافنا لكن فى النهاية يظل دائما الحب والإحترام المتبادل علشان نكمل اللوحة وأحب أضيف ان هناك أسماء مدونات أخرى لم أذكرها لكن مش معنى كدا ان اللوحة مش محتاجاهم وكمان محتاجه لكل جهدهم فأرجو أن يسامحونى أننى لم أتناول أسماء مدوناتهم وأنا فى انتظار مشاركتكم

سارة بندارى يقول...

هههههههههههههههههههههههههههههههه

اكثر من رائع يا خالتو

اضحك الله سنك

بجد بلوجر كلها نوووورت

اعزكى الله دكتورة

أحبك فى الله

3mr els3dany يقول...

الله الله يا ماما ماتبعتيلى شوية أفكار كده بدل ما انا محتاااس

ولا بنخاف يقول...

ألف شكر يادكتورة علي ردك الجميل ومبروووك كمان مرة لحضرتك ولعمر دخول عالم التدوين
منتظرين الموضوعات والبوستات الجديدة منكم

أميمة كامل يقول...

عموره يا حبيبى انت اشطر من ماما فى الابتكار والتجديد

أميمة كامل يقول...

الى(ولابنخاف): الله يبارك فيك وفعلا سعيدة بك من كل قلبى.........ودعواتكم

أميمة كامل يقول...

ساره: البلوجر منور بك يا سكرة واحبك الله الذى احببتنى فيه

أميمة كامل يقول...

الاء:فعلا انتم اللى منورين ودايما بتنوروا كل مكان تكونوا فيه ربنايباركم ويحفظكم جميعا

Hosam يقول...

فكرة رائعة
جزاكى الله خيرا